राहुरी वेब प्रतिनिधी, ७मार्च २६ (शरद पाचारणे ): विद्यार्थ्यांच्या सर्वांगीण विकासासाठी पालक व विद्यार्थ्यांमधील संवाद महत्त्वाचा असल्याचे प्रतिपादन समुपदेशक डॉ. चेतना बहुरूपी यांनी केले. शिवांकुर विद्यालयात विद्यार्थी व पालकांसाठी आयोजित समुपदेशनपर व्याख्यानात त्या बोलत होत्या.या वेळी डॉ. बहुरूपी यांनी विद्यार्थ्यांची अभ्यासातील प्रगती कशी वाढवावी, मुलांचे मोबाईलकडे वाढते आकर्षण कसे नियंत्रित करावे तसेच पालकांनी मुलांशी सकारात्मक संवाद कसा ठेवावा याबाबत सविस्तर मार्गदर्शन केले. कार्यक्रमाच्या प्रारंभी विद्यालयाच्या वतीने संस्थेचे सचिव डॉ. प्रकाश पवार यांनी डॉ. बहुरूपी यांचा सन्मान केला.या कार्यक्रमासाठी संस्थेचे अध्यक्ष रावसाहेब पवार, विश्वस्त डॉ. गौरी पवार व मंगलताई पवार यांनी मार्गदर्शन केले.कार्यक्रमास शिवांकुर विद्यालयाच्या मुख्याध्यापिका छाया जाधव, पर्यवेक्षक अरुण खिलारी, किरण तारडे, सचिन जाधव, भाऊसाहेब करपे, विजय शिंदे, मयूर धुमाळ, सौरभ भांबळ, प्रियंका पांढरे, ज्योती शेळके, शितल फाटक, सुजाता तारडे, सुनीता ढोकणे, अनिता म्हसे, मोहिनी पेरणे, रोहिणी हापसे, सुरेखा मकासरे, सोनाली कुमावत, अनिता लांबे, दुर्गा बारवेकर, अकाउंटंट दिपाली उंडे, लिपिक भाग्यश्री झांबरे, शिपाई शारदा तमनर यांच्यासह मोठ्या संख्येने पालक व ग्रामस्थ उपस्थित होते.